Ինչպես հաղորդում է Ռիա Նովոստի գործակալությունը, Ուզբեկստանի մշակույթի վաստակավոր գործիչ ու ազգային հեռուստաընկերության հայտնի լրագրող Ռահմատիլա Միրզաեւը սպանվել է մայրաքաղաք Տաշքենդում:
Տեղի լրատվամիջոցների տվյալներով, առայժմ հայտնի չեն սպանության դրդապատճառներն ու մանրամասները, իսկ երկրի իրավապահ մարմինները դեռեւս մեկնաբանություններից զերծ են մնում:
Միաժամանակ, որոշ տեղեկությունների համափայն սպանության կասկածանքով ձերբակալվել է լրագրողի ընկերոջ որդին:
Հիշեցնենք, որ Ուզբեկստանի ազգային հեռուստատեսությամբ 60-ամյա հաղորդավարը վարում էր վերլուծական հայտնի հաղորդաշար:
