Թուրքիայի իշխանությունները ձերբակալել են 16 գործարարի, որոնք կասկածվում են Անկարայի կողմից երկրում հեղաշրջման փորձի կազմակերպման մեջ մեղադրվող Ֆաթուլահ Գյուլենի հետ կապեր ունենալու մեջ, այս մասին հայտնում է Hürriyet-ը:
Օգոստոսին Ստամբուլի գլխավոր դատախազությունը կալանք էր դրել թվով 187 գործարարի ունեցվածքի վրա: Այդ գործարարները մեղադրվում էին Ֆաթուլահ Գյուլենի հետ կապեր ունենալու մեջ:
Հիշեցնենք, որ Անկարան շարունակում է ջանքեր գործադրել ԱՄՆ-ից Գյուլենին ստանալու համար, սակայն այդ ջանքերը դեռ ապարդյուն են, քանի որ ամերիկյան կողմին ապացույցներ են պետք, որ հենց վերջինս է կանգնած վերոնշալ հեղաշրջման փորձի ետևում:
