Ինչպես տեղեկացնում է «Երրորդ համաշխարհային պատերազմ» պորտալը, ԱՄՆ ֆինանսների նախարար Ջեկ Լյուն Ուկրաինայի վարչապետ Արսենի Յացենյուկի հետ հեռախոսազրույցում խոստացել է օժանդակել բարենորոգումների իրականացման աշխտանքներին:
Լյուն հավաստել է, որ Միացյալ նահանգները բարենորոգումների համար առաջիկայում Ուկրաինային կտրամադրեն ֆինանսական միջոցներ ու կօժանդակեն Միջազգային վալյուտային ֆոնդի հետ Ուկրաինայի բանակցություններին:
Հիշեցնենք, որ նմանատիպ հայտարարությամբ նախօրեին հանդես էր եկել ԱՄՆ նախագահ Բարաք Օբաման, շեշտելով, որ միացյալ նահանգները կդյուրացնի ուկրաինացի գործընկերների համագործակցությունը միջազգային կազմակերպությունների հետ:
Ընդհանուր առմամբ, Ուկրաինայի տնտեսության վերականգման համար անհրաժեշտ է շուրջ 40 միլիարդ դոլար:
