Ինչպես տեղեկացնում է Ռիա Նովոստի գործակալությունը, Ռուսաստանի հերթական հումանիտար ավտոշարասյունը հասել է Դոնեցկ: Այդ մասին հայտնել են Ռուսաստանի Արտակարգ իրավիճակների ծառայությունից, նշելով, որ ավելի քան 80 բեռնատարներ Դոնեցկ են հասցրել պարենամթերք ու առաջին անհրաժեշտության ապրանքներ:
Բեռնատարները, առանց արգելքի ժամանելուց հետո, սկսել են բեռնաթափման աշխատանքները:
Հիշեցնենք, որ նախօրեին Դոնբաս էր հասել եւս մեկ հումանիտար ավտոշարասյուն:
Վերջին երկու օրերի ընթացքում Դոնեցկի ու Լուգանսկի ինքնահռչակ հանրապետություններին տրամադրվել է 1800 տոննա հումանիտար օգնություն:
