Ինչպես հաղորդում է ՏԱՍՍ գործակալությունը, ԱՄՆ-ի Վաշինգտոն օկրուգում ուժեղ ձյան տեղումների պատճառով իշխանությունները պետական հիմնարկների աշխատակիցներին թույլատրել են տանը մնալ, դադարեցվել են ուսումնական հաստատությունների աշխատանքը:
Աշխատանքի են դուրս եկել միայն բուժաշխատողները, ոստիկանությունն ու արտակարգ իրավիճակի ծառայության աշխատակիցները:
Հետաձգվել են հարյուրավոր ավիաթռիչքներ, կաթվածահար է եղել տրանսպորտի ոլորտը:
Վերջին շրջանում ԱՄՆ-ի կենտրոնական շրջաններում տեղացել է աննախադեպ քանակության տեղումներ, իսկ ավելի վաղ ձնաբուքը հասել էր նույնիսկ հարավային շրջաններ:
