ԵԽԽՎ դիտորդական առաքելությունը հայտարարել է, որ Ադրբեջանում Սահմանադրական փոփոխությունների հանրաքվեն անց է կացվել միջազգային նորմերին համաձայն, քվեարկությունը եղել է թափանցիկ, լավ կազմակերպված, խախտումներ չեն եղել:
Հիշեցնենք, որ անցկացված հանրաքվեի արդյունքում ադրբեջանցիների մեծ մասը՝ ավելի քան 90 տոկոսը, կողմ են քվեարկել փոփոխություններին՝ հնարավորություն տալով նախագահին պաշտոնավարել ոչ թե 5, այլ՝ 7 տարի ժամկետով: Փոփոխություններով նաև ստեղծվում է փոխնախագահների ինստիտուտ և վերացվում է տարիքային սահմանափակումը նախագահի թեկնածուների համար:
