«Ժողովուրդ» թերթը գրում է. «Հովիկ Աբրահամյանի վարչապետի պաշտոնից հրաժարական ներկայացնելուց հետո արդեն մի քանի օր է՝ լուրեր են շրջանառվում այն մասին, որ նրա որդին՝ Արտաշատի քաղաքապետ Արգամ Աբրահամյանը եւս առաջիկայում հրաժարական է ներկայացնելու։
«Ժողովուրդ»-ը Արտաշատի քաղաքապետի տեղակալ Գագիկ Պողոսյանից փորձեց պարզել, թե Արգամ Աբրահամյանի հնարավոր հրաժարականի մասին լուրերը որքանով են իրատեսական։ Ի պատասխան մեր հարցի՝ նա ասաց. «Ո՛չ, սխալ տեղեկություններ են։ Մեր քաղաքապետը նորմալ աշխատում է, ընդհանրապես չկա նման բան։ Անգամ նման մտադրություն չունի։ Խնդրում եմ, որ այդպիսի տեղեկություններ չտարածեն»:
Առավել մանրամասն՝ թերթի այսօրվա համարում
