ԱՄՆ-ում Facebook-ի օգտատերերը մոտ ժամանակներս կկարողանան բանկային քարտերից միմյանց դրամական միջոցներ փոխանցել: Այդ մասին հաղորդվում է ամերիկյան սոցիալական ցանցի բլոգում, գրում է BBC-ի ռուսական ծառայությունը:
Նոր հնարավորությունից օգտվելու համար հարկավոր կլինի հաղորդագրություններ բացել կայքում, երկխոսություն սկսել և սեղմելով դոլարի նշանի վրա՝ նշել ուղարկվող գումարի չափը:
Այժմ ինտերնետային վճարումների շուկայի առաջատարն ամերիկյան PayPal համակարգն է, որն ունի 162 միլիոն ակտիվ օգտատեր:
