Այսօր Ֆրանսիայի արտգործնախարար Ժան-Մարկ Էյրոն պատրաստվում է ՀՀ արտգործնախարար Էդուարդ Նալբանդյանի հետ քննարկել երկկողմ հարաբերություններին և ղարաբաղյան հակամարտությանը վերաբերող հարցեր: Այս մասին հայտնել է ֆրանսիական ԱԳՆ-ի պաշտոնական ներկայացուցիչ Ռոմեն Նադալը:
Նադալը նշել է, որ կայանալիք հանդիպումը նոր թափ կհաղորդի երկու երկրների հարաբերություններին՝ հավելելով, որ երկու պայմանագիր է ստորագրվելու:
Ինչ վերաբերում է ղարաբաղյան հակամարտությանը, ապա Նադալի խոսքերով, քննարկվելու են ԵԱՀԿ ՄԽ համանախագահների առաջարկները, որպեսզի հնարավոր լինի բանակցությունների միջոցով հասնել հարցի կարգավորմանը: