Սինգապուրում 7-օրյա ազգային սուգ է հայտարարված երկրի առաջին վարչապետ Լի Կուան Յուի մահվան կապակցությամբ, գրում է Газета-ն։
Սինգապուրի առաջին վարչապետ Լի Կուան Յուն մահացել է մարտի 22-ին, 91 տարեկանում, երկարատև հիվանդությունից հետո։
Հուղարկավորության արարողությունը կկայանա մարտի 29-ին Սինգապուրի ազգային համալսարանի Մշակույթի կենտրոնում։ Թաղմանը կմասնակցեն երկրի նախագահ Թոնի Թան Կեն Յամը, խորհրդարանի անդամներ, երկրի նախարարների կաբինետը։
Լի Կուան Յուն հայտնի սինգապուրցի քաղաքական գործիչ է, եղել է Սինգապուրի Հանրապետության պատմության մեջ առաջին վարչապետը և իշխանությունում է գտնվել 31 տարի։ Համարվում է սինգապուրյան «տնտեսական հրաշքի» ստեղծողներից մեկը, որը փոքր հետամնաց պետությունը վերածեց տնտեսապես ծաղկող գերտերության։
