Վրաստանի մշակույթի նախարարության և հուշարձանների պահպանության գործակալության նախաձեռնությամբ երկրի կառավարությունը Գրակլիանիի հնագիտական հուշարձանին ազգային ժառանգության կարգավիճակ է շնորհել:
Հնագիտական գոտին տեղակայված է Իգոեթի գյուղի մոտակայքում, որտեղ հնագույն առարկաներ են հայտնաբերվել:
Ինչպես հայտարարում են հուշարձանների պահպանության գործակալությունից, հայտնաբերված նմուշները յուրահատուկ են, և Թբիլիսիի պետական համալսարանի պրոֆեսոր Վախթանգ Լիչելիի խոսքով՝ հայտնաբերված քարե գործիքների տարիքը գերազանցում է 1,5 մլն տարին:
