Նյու Յորքի ոստիկանությունն ավելի քան 30 մարդ է ձերբակալել ԱՄՆ նախագահական ընտրություններում հաղթած Դոնալդ Թրամփի դեմ բողոքի ակցիայի ժամանակ:
Արտասահմանյան ԶԼՄ-ները գրում են, որ Թրամփի դեմ ակցիաների ժամանակ հնչել են «Դու մեր նախագահը չես», «Ոչ Թրամփին», «Ոչ ԱՄՆ-ում ռասիզմին» և այս բնույթի այլ կարգախոսեր:
Բողոքի ակցիաներին մասնակցել են հազարավոր մարդիկ: Ակցիաներ են անցկացվել Վաշինգտոնում, Սիեթլում, Լոս Անջելեսում, Ֆենիքսում, Ֆիլադելֆիայում, Փորթլենդում և մի շարք այլ քաղաքներում:
