Գերմանիայի արտգործնախարար Ֆրանկ-Վալտեր Շթայնմայերը կարող է դառնալ երկրի հաջորդ նախագահ: Ինչպես հայտնում է NTV-ն, նրա թեկնածության շուրջ համաձայնություն կա իշխող կոալիցիայի մեջ մտնող ՔԴՄ և ՔՍՄ կուսակցությունների, ինչպես նաև Սոցիալ-դեմոկրատական կուսակցության միջև:
Հարկ է նշել, որ Գերմանիայում նախագահի պաշտոնն ավելի շատ ներկայացուցչական է, իսկ երկրի արտաքին և ներքին քաղաքականությանը, տնտեսությանը վերաբերող բոլոր կարևորագույն հարցերը որոշում է կանցլերը:
Հավելենք, որ Գերմանիայի գործող նախագահ Յոահիմ Գաուկի լիազրությունների ժամկետը լրանում է հաջորդ տարի:
