«Ամերիկանո»-ն «ռուսիանո»-ով փոխարինելու գաղափարի հեղինակը ոչ թե Ռուսաստանի վարչապետ Դմիտրի Մեդվեդևն է, այլ Հայաստանի վարչապետ Կարեն Կարապետյանը, հայտնում է «360» հեռուստաընկերությունը:
Հեռուստաընկերության տեղեկություններով, նոյեմբերի 16-ին Եվրասիական միջկառավարական խորհրդի նիստի ժամանակ Մեդվեդևը կատակել էր, որ կա վերոնշյալ սուրճի անունը փոխելու անհրաժեշտություն. «Կարծում եմ, որ պետք է փոխել «ամերիկանո» անվանումը»,-կատակել է Մեդվեդևը՝ առաջարկելով այն փոխարինել «ռուսիանո»-ով:
Հավելենք, որ եկատերենբուրգյան «Огонек» բարն իր ճաշացանկում մի շարք ըմպելիքների և ուտելիքների անգլալեզու անվանումները փոխարինել ռուսալեզու անվանումներով՝ օրինակ Jack Daniels-ը անվանելով «Жора Денисов»:
Նշենք, որ 2014 թվականին ռուս-ամերիկյան հարաբերությունների վատթարացման ֆոնին ռուսական մի քանի սրճարաններ սկսեցին հրաժարվել իրենց ճաշացանկում տեղ գտած անգլալեզու բառերից:
