Չինաստանում դատարանը 6 տարվա ազատազրկման է դատապարտել ույգուրական ցեղի ներկայացուցչին՝ չափազանց երկար մորուք ունենալու համար:
Ինչպես հաղորդում է Корреспондент-ը` China Youth Daily-ին հղումով, դատարանը նաև երկու տարվա ազատազրկման է դատապարտել նրա կնոջը հանրային վայրերում «բուրկա» կրելու համար: Զույգին մեղավոր են ճանաչել «թշնամություն սադրելու» մեջ: Այս ձևակերպումը հաճախ է օգտագործվում դատական գործընթացներում:
Նշվում է, որ Սինցզյան-Ույգուրական ինքնավար շրջանի 38-ամյա բնակիչը մորուքն աճեցրել է 2010 թվականից ի վեր: Սինցզյան-Ույգուրական ինքնավար շրջանում, որտեղ գործում են ույգուր-իսլամիստական խմբավորումները, որպես ահաբեկչության դեմ պայքարի միջոց օրենք է ընդունվել, որը թույլ չի տալիս հանրային վայրերում բուրկա կրել` հագուստի տարր, որով մուսուլմանները ծածկում են դեմքը:
