Ինչպես հաղորդում է Ռիա Նովոստի գործակալությունը, Դոնեցկի ինքնահռչակ հանրապետության ղեկավար Ալեքսանդր Զախարչենկոյի հրամանագրով ուժային կառույցներում չընդգրկված բոլոր կամավորական զորամիավորումները պարտավոր են զենքը վայր դնել կամ ընդգրկվել օրինապահ զինված կառույցներում:
Այս մասին տեղեկացրել են Դոնեցկի ինքնապաշտպանական շտաբի մամուլի ծառայությունից, նշելով, որ նման միջոցները կիրառվում են երկրամասում կարգուկանոնի պահպանման համար:
Օրինագծի իրականացման պարտավորությունը դրվում է երկրամասի ներքին գործերի նախարարության վարհսկողության ներքո:
Օրինագծին չենթարկվողները հատուկ գործողությունների արդյունքում կզինաթափվեն ու կկրեն քրեական պատասխանատվություն:
Ինչ վերաբերվում է Դոնեցկի կամավորական զինաջոկատներին, ապա դրանք կկրեն կառուցվածքային փոփոխություներ ու կներգրավվեն օրինական զինված ուժերի կազմում:
