Ամերիկացի տիեզերագնաց Սքոթ Քելիի երկվորյակ եղբայրը կատակ է արել ԱՄՆ-ի օդագնացության և տիեզերական տարածության հետազոտությունների ազգային վարչության՝ ՆԱՍԱ-ի ղեկավարության հետ՝ սափրելով բեղերը Միջազգային տիեզերակայան նրա եղբոր թռիչքից առաջ, գրում է gazeta.ru-ն։
ՆԱՍԱ-ի ադմինիստրատոր Չարլզ Բոլդենը նշել է, որ գրեթե սրտի կաթված է ստացել, երբ Մարկ Քելիին տեսել է առանց բեղերի:
Նա նշել է, որ դա միակ տարբերակն էր, որի օգնությամբ կարելի էր տարբերել եղբայրներին:
Մարկը որոշել է սափրել բեղերը Միջազգային տիեզերակայան եղբոր թռիչքից առաջ, որտեղ նա կանցկացնի մի ամբողջ տարի:
