Թուրքական էներգամատակարարող պետական ընկերությունը պարզել է երկրի մի շարք քաղաքներում էներգամատակարարման խափանման պատճառը:
Կազմակերպության տարածած հաղորդագրության մեջ նշվում է, որ էլեկտրաէներգիան անջատվել է երկիր ներմուծվող էլեկտրաէներգիայի հիմնական գծի խափանման պատճառով:
Ներկայում վթարը վերականգնելուն ուղղված աշխատանքներ են իրականացվում:
Որոշ շրջաններում էլեկտրաէներգիայի մատակարարումը վերականգնվել է:
Հիշեցնենք, որ այսօր՝ տեղի ժամանակով 10:36-ին, խափանվել էր Թուրքիայի մի շարք մեծ քաղաքների, այդ թվում՝ Ստամբուլի, Անկարայի և Իզմիրի էներգամատակարարումը:
Թուրքիայի վարչապետ Ահմեթ Դավութօղլուն նշել էր, որ ի թիվս այլ վարկածների՝ քննարկվում է նաև ահաբեկչության տարբերակը: