Forbes ամսագրի վարկածով շվեդ բլոգեր PewDiePie-ը երկրորդ անգամ ճանաչվել է YouTube-ի ամենաբարձր վարձատրվող աստղ:
Ամսագրի տեղեկություններով, վերջինս մեկ տարվա ընթացքում վաստակել է 15 միլիոն դոլար: Անցած տարի նույն բլոգերը վաստակել էր 12 միլիոն:
Այս տարվա ցուցակի երկրորդ հորիզոնականում բլոգեր և կատակերգու Ռոման Էտվուդն է, ով վաստակել է 8 միլիոն դոլար՝ 70 տոկոսով գերազանցելով իր նախորդ տարվա ցուցանիշը:
Եռյակը եզրափակում է 28-ամյա բլոգեր Լիլի Սինգհը: Նա հայտնի է որպես կատակերգու, դերասանուհի և ռեփեր:
