Դերասանուհի Միլա Յովովիչը և ռեժիսոր Փոլ Անդերսոնը երկրորդ երեխան են ունեցել: Չորեքշաբթի՝ առավոտյան տեղի ժամանակով 5:45-ին, ծնվել է նրանց դուստրը, ում անվանակոչել են Դաշիել Իդեն, գրում է gazeta.ru-ն:
Նախօրեին դերասանուհու մեծ աղջիկը՝ յոթամյա Էվերը, Instagram-ի համար արել էր իր մայրիկի լուսանկարը:
Իր էջում Յովովիչը գրել էր. «Երեխան դեռ ինձ նշան չի տալիս: Բայց ես ամբողջովին հավաքված եմ և պատրաստ»:
Միլա Յովովիչը և Փոլ Անդերսոնն ամուսնացած են 2009 թվականից: Նախկինում դերասանուհին ևս երկու ամուսին է ունեցել՝ դերասան Շոն Էնդրյուսը և ռեժիսոր Լյուկ Բեսոնը:
