Բաքվում աշխատանքային այցի շրջանակներում Ռուսաստանի փոխվարչապետ Դմիտրի Ռոգոզինի և Ադրբեջանի նախագահ Իլհամ Ալիևի հանդիպման հիմնական թեմաներից մեկը լինելու է Հայաստանին ռուսական զենքի մատակարարումը, այս մասին հայտնում է «Коммерсантъ»-ը: Ռոգոզինի այցն Ադրբեջան մեկնարկելու է այսօր՝ դեկտեմբերի 15-ին:
Թերթը նշում է, որ Ռոգոզինի աշխատանքային այցի շրջանակներում վերջինս պետք է որոշակի բացատրություններ տա ադրբեջանական կողմին՝ կապված այս տարի Հայաստանին «Իսկանդեր» վաճառելու փաստի հետ:
«Коммерсантъ»-ը պնդում է, որ ռուսական պատվիրակության խնդիրներից մեկը հենց դա է լինելու, քանի որ ադրբեջանական կողմը խիստ անհանգստացած է Հայաստանում «Իսկանդերի» առկայությամբ:
