ԱՄՆ պետքարտուղարության պաշտոնական ներկայացուցիչ Ջոն Քիրբին հերյուրանք է անվանել մեղադրանքը, որ ԱՄՆ-ը որևէ կապ ունի Թուրքիայում Ռուսաստանի դեսպան Անդրեյ Կարլովի սպանության հետ:
«Դա հիմք չունեցող մեղադրանք է, բացարձակ սուտ, որը հիմքեր չունի: Այդ մեղադրանքում նույնիսկ մեկ գրամ ճշմարտություն չկա»,-ասել է Քիրբին:
Ամերիկյան կողմն այս հայտարարությունն արել է՝ պատասխանելով Թուրքիայի արտգործնախարար Մևլյութ Չավուշօղլուի այն մեղադրանքին, որ Կարլովին սպանել է ԱՄՆ-ում գտնվող Ֆաթուլահ Գյուլենի կողմնակիցը:
Քիրբին նաև հայտնել է, որ ԱՄՆ պետքարտուղար Ջոն Քերին հեռախոսազրույց է ունեցել Թուրքիայի արտգործնախարարի հետ և անհանգստություն հայտնել՝ կապված թուրքական հռետորաբանության նետ: