Ռուսաստանի նախագահ Վլադիմիր Պուտինը շնորհավորել է Ադրբեջանի նախագահ Իլհամ Ալիևին 55 ամյակի կապակցությամբ՝ վստահություն հայտնելով, որ երկու երկրների միջև կառուցողական հարաբերությունները կշարունակվեն և համատեղ աշխատանքն արդյունավետ կլինի:
Պուտինն իր շնորհավորանքի մեջ նշել է, որ Ալիևը Ռուսաստանում հայտնի է որպես հուսալի ընկեր, ռուս-ադրրբեջանական ռազմավարական գործընկերության ամրապնդման սկզբունքային կողմնակից:
«Իրավամբ Դուք արժանանում եք հայրենակիցների հարգանքին: Դուք միջազգային հանրությանը հայտնի եք որպես փորձառու և հեռատես պետական գործիչ, ով շատ բան է անում Ադրբեջանի սոցիալ-տնտեսական զարգացման համար»,-ասված է Պուտինի նամակում:
