Նյու Յուրքից Փարիզ թռչող օդանավը արտակարգ վայրէջք է խնդրել Իռլանդիայից, որպեսզի ուղևորները կարողանան օգտվել օդանավակայանի զուգարաններից: Օդանավի անձնակազմը հայտնել է, որ 172 ուղևորները բնական կարիքները հոգալու կարիք ունեն, սակայն չեն կարողանում դա անել, քանի որ օդանավի զուգարանները չեն աշխատում:
Իռլանդիայի օդանավակայանում օդանավը մնացել է մոտ երկու ժամ: Այդ ընթացքում վերանորոգվել են նաև չգործող զուգարանները, ինչից հետո թռիչքը դեպի Փարիզ շարունակվել է:
