ԱՄՆ նախագահ Բարաք Օբաման Միացյալ Նահանգների նախագահական ընտրություններում հաղթած Դոնալդ Թրամփին և վերջինիս կնոջը, հունվարի 20-ին կայանալիք Թրամփի ինաուգուրացիայից առաջ, թեյ ըմպելու է հրավիրել, այս մասին հայտնում է The Hill-ը՝ հղում անելով Թրամփի օգնականին:
Իր հերթին ինաուգուրացիոն հանձնաժողովի նախագահ Թոմ Բարաքը լրագրողներին հայտնել է, որ Օբամա և Թրամփ ընտանիքները վերոնշյալ միջոցառմանը կներկայանան Սպիտակ տանը կայանալիք հանդիպումից հետո:
Պարբերականը նաև գրում է, որ գործող նախագահի կողմից նորընտիր նախագահին Սպիտակ տանը թեյ կամ սուրճ ըմպելու հրավիրելն ԱՄՆ-ում հին ավանդույթ է:
