Էկվադորի Ազգային ժողովի նախագահ Գաբրիելա Ռիվադենեյրան այսօր` ապրիլի 7-ին, լիագումար նիստ է հրավիրել` քննարկելու մի շարք օրինագծեր, որոնց թվում` Հայոց ցեղասպանության և բոլոր տեսակի խտրականությունների ճանաչման մասին բանաձևը:
«Երեքշաբթի քննարկվելիք թեմաներից մեկը 1915-1923 թվականներին Օսմանյան կայսրության իշխանությունների իրականացրած Հայոց ցեղասպանության ճանաչման մասին բանաձևի նախագիծն է, որը կոչված է նաև համերաշխություն հայտնելու հայ ժողովրդին և նրա ժառանգներին, որոնք բնակվում են աշխարհով մեկ սփռված հայ համայքներում: Այս թեման առաջադրել է Ազգային ժողովի առաջին փոխնախագահ Ռոսանա Ալվարադոն», - հայտնում է ecuadorinmediato.com պարբերականը` վկայակոչելով Էկվադորի Ազգային ժողովի հաղորդագրությունը:
