Աշխարհի երկրների միայն կեսն է հասել բոլոր երեխաներին մինչև 2015թ. տարրական կրթության հասանելիություն ապահովելու նշված նպատակին: BBC-ի ռուսական ծառայության հաղորդմամբ՝ այս մասին ասվում է ՅՈՒՆԵՍԿՕ-ի զեկույցում:
Աշխարհում մոտ 60 մլն երեխա մինչև հիմա ոչ մի կրթություն չի ստանում:
Զեկույցում ասվում է, որ հաջողության են հասել Աֆղանստանը, Նեպալը, Սիերա Լեոնեն, Ռուանդան, Տանզանիան և Հնդկաստանը, սակայն Նիգերիան, Պակիստանը, Եթովպիան, Նիգերը և Չադը նախկինի նման հեռու են դրված նպատակներից:
Կրթության ոլորտում նոր նպատակներ են դրված 2030 թվականի համար, բայց դրանց հասնելու համար լրացուցիչ 20 մլրդ դոլար է անհրաժեշտ՝ նշում են ՅՈՒՆԵՍԿՕ-ում:
