Մոտ 40 թուրք զինվորական, ովքեր ծառայում են Գերմանիայի տարածքում գտնվող ՆԱՏՕ-ի բազաներում, քաղաքական ապաստան են խնդրել գերմանական իշխանություններից, այս մասին հայտնում է Spiegel-ը:
Պարբերականի տեղեկություններով, խոսքը վերաբերում է հիմնականում բարձրաստիճան սպաների: Ինչ վերաբերում է դիմումի պատասխանին, ապա Գերմանիայի միգրացիոն ծառայությունները և ՆԳՆ-ն հայտնել են, որ վերջիններիս հարցը քննարկվելու է սովորական կարգով:
«Մենք չենք կարող նրանց ետ ուղարկել Թուրքիա, քանի որ այդ զինծառայողներին այնտեղ անմիջապես բանտ կուղարկեն»,-Բունդեսթագում արտաքին քաղաքական հարցերով փորձագետ Շտեֆան Մայերի խոսքերն է մեջբերում Spiegel-ը:
Հիշեցնենք, որ փետրվարի 2-ին Գերմանիայի կանցլեր Անգելա Մերկելը մեկնելու է Թուրքիա:
