Հունվարի 30-ին, ժամը 12.12-ին տեղեկատվություն է ստացվել, որ Երևան քաղաքի Հալաբյան փողոցում՝ «Թումո» ստեղծարար տեխնոլոգիաների կենտրոնի մոտակայքում, տեղի է ունեցել ՃՏՊ, կա տուժած. անհրաժեշտ է շտապօգնություն:
Պարզվել է, որ բախվել են «Toyota Prado» մակնիշի 91 UU 999 (վարորդ` 1996 թ. ծնված Ա. Ա.) և «Opel Astra G» մակնիշի 34 FO 759 պետհամարանիշերով (վարորդ՝ 1980 թ. ծնված Ա. Հ.) ավտոմեքենաները:
Փրկարարներն Ա. Հ.-ին դուրս են բերել ավտոմեքենայից (շտապօգնության անհրաժեշտություն չի եղել), հոսանքազրկել են ավտոմեքենաները և փակել «Opel Astra G»-ի գազի բալոնի փականը:
