Այս տարի Ազգային Ժողովը ստացել է 704 նամակ։
ԱԺ քարտուղարության ընդհանուր բաժինը, «Քաղաքացիների առաջարկությունները, դիմումները եւ բողոքները քննարկելու կարգի մասին» ՀՀ օրենքի համաձայն, հրապարակել է 2015 թ. առաջին եռամսյակի նամակների քննարկման արդյունքների համառոտ տեղեկատվությունը:
Ընդունվել, գրանցվել եւ Ազգային ժողովի նախագահին է հանձնվել քաղաքացիների 168 նամակ, փոխնախագահներին` 35 նամակ: ԱԺ նախագահը եւ փոխնախագահները պատասխանել են բոլոր նամակներին:
ԱԺ աշխատակազմի ղեկավարին հանձնվել է 2 նամակ: ԱԺ մշտական հանձնաժողովներին է հանձնվել քաղաքացիների 357 նամակ. պատասխանել են բոլորին: ԱԺ խմբակցություններին է հանձնվել քաղաքացիների 127 նամակ. պատասխանել են բոլորին: ԱԺ նախագահի աշխատակազմին հանձնվել է 4 նամակ: Ազգային ժողովի աշխատակազմին հասցեագրված է եղել 11 նամակ:
Քաղաքացիների նամակներում բարձրացված են օրենսդրական, իրավական, առողջապահական, սոցիալական, կրթական, ֆինանսական հարցեր:
