Սպասվում է, որ Թուրքիայի նախագահ Ռեջեփ Թայիփ Էրդողանի՝ Ռուսաստան կատարելիք այցը տեղի կունենա մարտ ամսվա առաջին կեսին: Ինչ վերաբերում է օրակարգին, ապա քննարկվելու են հարցեր, որոնք վերաբերում են երկկողմ հարաբերությունները կարգավորելուն: Այս մասին հայտնել է Ռուսաստանում Թուրքիայի դեսպան Հուսեին Դիրիոզը:
Դեսպանը նաև հիշեցրել է, որ այդ այցի շրջանակներում տեղի ունենալիք Պուտին-Էրդողան հանդիպումը լինելու է արդեն չորրորդը վերջին կես տարվա ընթացքում: