Մոսկվայում 48 տարեկան հասակում մահացել է գործարար, բարերար Արմեն Բարխուդարյանը: Բժիշկները նրա մոտ լյարդի քաղցկեղ են ախտորոշել: Բուժման համար արդեն ուշ է եղել:
Արմեն Բարխուդարյանը ծնվել է ԼՀՂ Հադրութի շրջանում: 1990-ականներին նա տեղափոխվել է Մոսկվա, որտեղ հիմնադրել է «Ավինեքս» ընկերությունը:
Արմեն Բարխուդարյանը ֆուտբոլի մեծ սիրահար էր: Նա տարբեր ֆուտբոլային մրցաշարեր է կազմակերպել Արցախում: 2012-ին Բարխուդարյանի հրավերով 1990 թվականի աշխարհի առաջնության լավագույն ռմբարկու Սալվատորե Սկիլաչին այցելել է ԼՂՀ եւ մասնակցել ֆուտբոլային մրցաշարի:
Այս տարվա մարտի 29-ին ԼՂՀ-ում մեկնարկել է մինի ֆուտբոլի առաջին լիարժեք մրցաշարը: Արմեն Բարխուդարյանն օգնել է նաեւ Արցախի պատերազմի մասնակիցների ընտանիքներին:
