Բրիտանացի երգչուհի Ադելը հրաժարվել է ընդունել լավագույն ալբոմի համար «Գրեմմին»: Այս մասին հայտնում է NME-ը՝ հավելելով, որ վերջինս հայտարարել է, թե դրան ավելի արժանի է Բեյոնսեն:
«Ես չեմ կարող վերցնել այս մրցանակը»,-ասել է Ադելը: Նա հայտնել է, որ Բեյոնսեին համարում է իր կուռքը և վերջինիս Lemonade ալբոմն ավելի արժանի է լավագույնի կոչմանը:
BBC News-ը գրում է՝ եթե Ադելը պաշտոնապես հրաժարվի մրցանակից, կլինի երկրորդ երաժիշտը, ով հրաժարվել է «Գրեմմիից»: Առաջինը Շինեյդ Օ Քոննորն էր, ով նման կերպ վարվեց 1990 թվականին:
