World Press Photo միջազգային մրցանակաբաշխության ժյուրին հրապարակել է 60-րդ մրցանակաբաշխության հաղթողների անունները: Գլխավոր մրցանակը բաժին է հասել Associated Press-ը ներկայացնող Բուրհան Օզբիլիչին, ով Թուրքիայում Ռուսաստանի դեսպանին սպանողի հայտնի լուսանկարի հեղինակն է:
Խոսելով լուսանկարի պատմության մասին՝ լուսանկարիչն ավելի վաղ ասել էր, որ ցուցահանդեսում պատահաբար է հայտնվել: Օզբիլիչի խոսքերով, ինքը ցուցահանդես գնացել էր տուն վերադառնալու ճանապարհին, որպեսզի մի քանի թարմ լուսանկար անի ռուս-թուրքական հարաբերությունների մասին նյութերի համար:
