Չնայած մենք ապրում ենք 21-րդ դարում, որտեղ տիրում է համացանցի գերիշխանությունը, սակայն չի կարելի ասել թե գիրքը կորցրել է իր արժեքը, ավելին` գնալով նորից բարձրանում է գրքի նշանակությունը մեր հասարակության մեջ: Չգիտես ինչու, մարդիկ սկսել են շատ դժվարությամբ կարդալ գրքեր, ինչը շատ վատ արդյունք է թե մարդու զարգացման և թե պետության հասարակական արժեքի ձևավորման համար: Սակայն նրանք, ովքեր կարողանում են օրվա մեջ գոնե մեկ կամ երկու ժամ տրամադրել ընթերցանության վրա, մեծ գործ են կատարում` իրենց կյանքը ավելի գեղեցիկ դարձնելու, ինչպես նաև կյանքին ավելի սթափ դիտելու համար:
Եվ ահա, ձեզ ենք ներկայացնում 2013թ.-ի 9 լավագույն գրքերը՝
1. Ամերիկանա
Հեղինակ` Չիմամանդա Նգոզի Ադիչի
Գրքի արժեքը` 26.95 դոլար
Ադիչիի երրորդ վեպի իրադարձությունները նկարագրվում են երիտասարդ նիգերիացի գաղթականի աչքերով: Գրքի համարձակ հեղինակը չի վախենում իր ստեղծագործություններում անդրադառնալ մարդկության ամենացավոտ թեմաներին:
2. Բոցարձակները
Հեղինակ` Ռաքել Քուշներ
Գրքի արժեքը` 26.99 դոլար
Ռադիկալ քաղաքականություն, ավանգարդ արվեստ և մոտոցիկլավարություն… Այս ամենն արտացոլված է Քուշների` 1970-ականներին գրված ցնցող վեպում: Այդ վեպի երիտասարդ հերոսուհին մեկնում է Նյու-Յորք` այնտեղ նկարչուհի դառնալու համար: Սակայն նա ներգրավվում է հեղափոխական պայքարի մեջ, որով այդ տարիներին համակված էր ողջ Իտալիան:
3. Կարմրակատարը
Հեղինակ` Դոննա Թարթ
Գրքի արժեքը` 30 դոլար
Թարթի առաջին վեպը կոչվում էր «Գաղտնի պատմություն», իսկ երկրորդը` «Փոքրիկ ընկեր»: «Կարմրակատարը» նրա երրորդ վեպն է: Այս վեպում նա պատմում է Թեո Դեքերի մասին, ով ահաբեկիչների կազմակերպած ռմբակոծության ժամանակ կորցնում է մորը, սակայն գտնում է մի նշանավոր նկարչի թանկարժեք կտավ: Վեպի հերոսները հիմնականում վառ կերպարներ են: Վեպի հիմնական գաղափարախոսությունն այն է, որ արվեստը կարող է փրկել մարդկանց:
4. Կյանք կյանքից հետո
Հեղինակ` Քեյթ Ատկինսոն
Գրքի արժեքը` 27.99 դոլար
Իր նախորդ դետեկտիվ վեպերի նման այս վեպը նույնպես գրված է պատկերավոր ոճով: Ատկինսոնն իր գրքում պատկերում է 20-րդ դարի չարիքները և մահվան էությունը: Հեղինակը պատմում է մի հերոսուհու մասին, ով մահանում է, սակայն հետո հարություն առնում և ապրում բոլորովին այլ կյանքով:
5. Երբ երաժշտությունը դադարեց
Ֆինանսական ճգնաժամը, արձագանքը և առաջիկա աշխատանքները
Հեղինակ` Ալան Ս. Բալինդեր
Գրքի արժեքը` 29.95 դոլար
Բլինդերն իր այս գրքում վերլուծում է 2008 թ.-ի ֆինանսական ճգնաժամը և նշում, որ այդ ճգնաժամն առաջացել է «կատարյալ փոթորիկից», որի ժամանակ մի շարք դժբախտ դեպքեր միաժամանակ են տեղի ունեցել` հանգեցնելով շատ ավելի վատ արդյունքի, քան կարելի էր ակնկալել: Բլինդերը քննադատում է և՛ Օբամայի, և՛ Բուշի վարչակարգերը հատկապես այն բանի համար, որ նրանք թույլ տվեցին «Lehman Brothers» ընկերության անկումը: Նա միաժամանակ խրախուսում է նրանց այն քայլերի համար, որոնք ձեռնարկել են երկիրը ծանր դեպրեսիայից փրկելու համար: Բլայնդերը նշում է, որ նրանց արձագանքը մոտալուտ աղետին շատ ավելի ճիշտ էր, քան հասարակությունն է կարծում:
6. Կրակի օրեր
Բուշն ու Չեյնին Սպիտակ Տանը
Հեղինակ` Փիթեր Բեյքեր
Գրքի արժեքը` 35 դոլար
Բեյքերը պատմում է Բուշի վարչակարգի ժամանակ գրանցված մի քանի ճգնաժամերի մասին: Նա արդարացիորեն վերլուծում է դրանք` անդրադառնալով ինչպես նվաճումներին, այնպես էլ ձախողումներին: Բեյքերն իր հիացմունքն է արտահայտում Բուշի և Չեյնիի հարաբերությունների հանդեպ: Նա նաև բարձրացնում է հետևյալ հարցը. Բո՞ւշն էր կառավարում, թե Բուշի՞ն էին կառավարում:
7. Հինգ օր հուշահամալիրում
Կյանքն ու մահը փոթորիկից ավերված հիվանդանոցում
Հեղինակ` Շերի Ֆինք
Գրքի արժեքը` 27 դոլար
Ֆինքն ամենայն մանրամասնությամբ նկարագրում է Կատրին փոթորիկի ժամանակ և փոթորիկից հետո հիվանդանոցում անցկացրած դժոխային օրերը: Այդ ժամանակ կասկածներ կային, որ հուսահատ բժիշկները մահացու ներարկումներ էին անում ծայրահեղ ծանր վիճակում գտնվող հիվանդներին: Դեպքերը նկարագրված են վարպետորեն: Գրքին հատուկ են թրիլեր ժանրի որոշ տարրեր: Այնտեղ արծարծվում են այնպիսի կարևոր հարցեր, ինչպիսիք են մարդկանց կյանքի վերջում ցուցաբերվող խնամքի խնդիրը, ռասսայական խտրականությունը բժշկության ասպարեզում և այլն:
8. Լուսնոտները
Ինչպես Եվրոպան պատերազմի գնաց 1914 թ.-ին
Հեղինակ` Քրիստափոր Քլարկ
Գրքի արժեքը` 29.99 դոլար
Քլարկին հաջողվել է համապարփակ ու դյուրըմբռնելի հետազոտությունը ներկայացնել մի հատորով, որը միտված էր լույս սփռել այն իրադարձությունների վրա, որոնք հանգեցրին առաջին համաշխարհային պատերազմին: Նա խուսափում է միայն մի առաջնորդի կամ ազգի ներկայացնել իբրև մեղավոր կողմ: Նա գրում է. «Պատերազմի բռնկումը Ագաթա Քրիստիի դրամաներից չէ, որի վերջում հայտնաբերվում է դիակի մոտ կանգնած հանցագործը»: Նրա խոսքերով` պատերազմի մասնակիցները ոչ թե ֆանատիկոսներ կամ մարդասպաններ էին, այլ լուսնոտներ, իսկ պատերազմն ինքնին ոչ թե հանցագործություն է, այլ ողբերգություն:
9. Ալիքը
Գրքի արժեքը` 24 դոլար
2004 թ.-ին` Սուրբ ծննդյան հաջորդ օրը, Դերանիյագալան ամուսնուն կանչեց Շրի Լանկայի հյուրանոցի պատուհանի մոտ: Նա ասաց.
-Ես քեզ մի տարօրինակ բան եմ ուզում ցույց տալ:
Օվկիանոսը սովորականից ավելի ալեհույզ ու ավելի մոտ էր թվում: Մի քանի ակնթարթ անց նրանք հայտնվեցին օվկիանոսի ամենակուլ ալիքների մեջ: Դերանիյագալայի ամուսինը, ծնողները և երկու տղաները զոհվեցին Հնդկական օվկիանոսի ցունամիից: Դերանիյագալան հրաշքով փրկվեց և գրեց այս ստեղծագործությունը:
