Ինչպես հաղորդում է «Երրորդ համաշխարհային պատերազմ պորտալը», ՄԱԿ-ի գլխավոր քարտուղար Պան Հի Մունը կոչ է արել անհապաղ դադարեցնել Եմենում ընթացող ռազմական գործողությունները:
Սա Գլխավոր քարտուղարի առաջին կոչն է Եմենում ռազմական գործողությունների վերսկսման ընթացքում:
Նրա խոսքերով, Սաուդյան Արաբիայի ու նրա դաշնակիցների կողմից Եմենի ավիահարվածները ծանր իրավիճակ են ստեղծել երկրում:
Նա ընդգծել է, որ Եմենը տարածաշրջանի ամենաաղքատ երկիրն է, որտեղ առավելագույնս սրված է պարենային խնդիրը, ուստի տեւական ռազմական գործողությունները երկիրը կհասցնեն կործանման ու հումանիտար աղետի, կսկսվի սով, համաճարակներ ու աննախադեպ արտագաղթ:
Վերջում նա կոչ է արել հակամարտող կողմերի վերջ դնել ռազմական գործողություններին ու ՄԱԿ-ի գործուն աջակցությամբ ձեռնամուխ լինել հակամարտության խաղաղ քաղաքական կարգավորմանը:
Հիշեցնենք, որ ռազմական գործողություններչի հետեւանքով Եմենում զոհվել է ավելի քան 2500 մարդ, հազարավորները արտագաղթել են երկրից:
