Եվրոպական անվտանգության և համագործակցության ամերիկյան հանձնաժողովը (ԱՄՆ Հելսինկյան հանձնաժողով) ապրիլի 23-ին «Ժխտման մեկ դար. Հայոց ցեղասպանությունը և արդարության մշտական որոնում» թեմայով լսումներ կանցկացնի:
«Կոչ եմ անում նախագահին՝ ճանաչել Հայոց ցեղասպանությունը: Այս ողբերգության 100-րդ տարելիցին պարտավոր ենք միանալ Գերմանիայի կառավարությանն ու Ֆրանցիսկոս պապին` ասելով ճշմարիտ բառը», - SoyArmenio-ն մեջբերում է Հելսինկյան հանձնաժողովի նախագահ Քրիս Սմիթի խոսքը:
«Կոչ եմ անում նաև Թուրքիայի կառավարությանը՝ ճանաչել Ցեղասպանությունը և անկեղծ ներողություն խնդրել: Աշխարհը պահանջում է, որ Թուրքիան կառուցողական հարաբերություններ սկսի իր հարևանների հետ: Դա անել Թուրքիան կարող է միայն ազնվորեն առերեսվելով իր անցյալին»» - հավելել է Քրիս Սմիթը:
Լսումների ժամանակ կքննարկվի Թուրքիայի կառավարության ժխտողականությունը և պատասխանատվությունից խուսափելու համար տասնամյակներ շարունակ գործադրվող ջանքերը:
