Երևան քաղաքի պատմության թանգարանում տեղի է ունեցել «Վերսկիզբ. Սիրիահայերի հաջողությունները Հայաստանի ձեռնարկատիրության ոլորտում» խորագրով լուսանկարչական ցուցահանդեսի բացման և նույնանուն գրքի շնորհանդեսի հանդիսավոր արարողությունը: GIZ ընկերության և Հայաստանի Հանրապետությունում Գերմանիայի Դաշնային Հանրապետության համատեղ ծրագիրն իրականացվել է Երևանի քաղաքապետարանի աջակցությամբ: Հանդիսավոր արարողությանը ներկա են գտնվել Երևանի քաղաքապետի տեղակալ Արամ Սուքիասյանը, ՀՀ-ում ԳԴՀ արտակարգ և լիազոր դեսպան Բերնհարդ Մաթիաս Քիսլերը, ՀՀ-ում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն և այլ բարձրաստիճան հյուրեր:
Բացվել է Հայաստանում սիրիահայերի նկարների ցուցահանդես
