Եվրամիությունում այսօրվանից ուժի մեջ են մտնում նոր կանոններ, որոնց համաձայն Շենգենյան գոտի մուտք գործող ԵՄ քաղաքացիները ավելի մանրազնին ստուգման են ենթարկվելու:
Մասնավորապես նշվում է, որ Շենգենյան գոտի մուտք գործող ԵՄ քաղաքացիները ստուգվելու են միջազգային և ներպետական ոստիկանական բազայի տվյալներով: Սա արվում է, որպեսզի հնարավոր լինի ճշտել՝ որքանով է վտանգավոր տվյալ քաղաքացին:
Եվրամիությունը որոշել է վերանշյալ փոփոխություններին գնալ այն բանից հետո, երբ ահաբեկչության սպառնալիքն ավելի է մեծացել:
Մինչ այս ԵՄ անդամ երկրների քաղաքացիներն ավելի մեղմ ստուգման էին ենթարկվում Շենգենյան գոտի մտնելիս, սակայն փոփոխություններից հետո նրանց համար կգործեն այն նորմերը, որոնք կան մյուսների նկատմամբ: