Մեծ Բրիտանիան մտադիր է համոզել G7-ում իր գործընկերներին նոր պատժամիջոցներ կիրառել Ռուսաստանի նկատմամբ, որն օգնում է Սիրիայի նախագահ Բաշար Ասադին, ում եվրոպացիները մեղադրում են սիրիացիների դեմ քիմիական զենք օգտագործելու մեջ, հայտնում է The Times-ը:
Նշվում է, որ համապատասխան առաջարկով փաստաթուղթն արդեն պատրաստ է և G7-ի արտգործնախարարներին ներկայացվելու է Իտալիայում կայանալիք նիստի ժամանակ:
Մեծ Բրիտանիայի արտգործնախարար Բորիս Ջոնսոնի կարծիքով, Ռուսաստանի նկատմամբ պատժամիջոցները պետք է կիրառվեն, եթե Կրեմլը չհրաժարվի աջակցել Բաշար Ասադին: