Այս գիշեր իսրայելական ռազմաօդային ուժերը հարվածներ են հասցրել Դամասկոսի միջազգային օդանավակայանի մոտ գտնվող օբյեկտներից մեկին:Այս մասին հայտնում է «Ալ-Ալյոմ»-ը:
Նախնական տեղեկություններով, հարվածները հասցվել են նշված տարածքում գտնվող ռազմական բազային: Հարվածների արդյունքում հրդեհ է բռնկվել:
Սիրիական ռազմական շրջանակներից դեռ որևէ մեկնաբանություն չկա:
Սա առաջին դեպքը չէ, որ իսրայելական ուժերը հարվածներ են հասցնում Սիրիայի տարածքում: Ավելի վաղ Իսրայելի պաշտպանության նախարարը նույնիսկ հայտարարել էր, որ իրենք կոչնչացնեն սիրիական ՀՕՊ համակարգերը, եթե դրանք վնասեն իսրայելական ինքնաթիռները:
