Հայաստանի արդարադատության նախարարությունում քննարկում են Գյումրիում Ավետիսյանների ընտանիքին սպանած ռուսաստանցի զինծառայող Վալերի Պերմյակովի պատժի կրման վայրի հարցը:
«Վալերի Պերմյակովը դատապարտվել է և հայկական, և ռուսական դատարաններով: Այս պահին քննարկվում է նրա պատժի կրման վայրի հարցը»,-ասել են նախարարությունից Ինտերֆաքսի հետ զրույցում:
Իր հերթին Պերմյակովի դատապաշտպան Էդուարդ Աղաջանյանը հայտնել է, որ վերջինս տեսականորեն կարող է ուղարկվել Ռուսաստան:
ՀՀ արդարադատության նախարարությունը նաև հերքել է այն տեղեկությունները, որ Պերմյակովը կարող է փոխանակվել Ռուսաստանում իր պատիժը կրող Հրաչյա Հարությունյանի հետ:
