Թուրքիայի նախագահ Ռեջեփ Թայիփ Էրդողանի թիկնապահները կարող են դատարանի առաջ կանգնել այն բանի համար, որ Վաշինգտոնում հարձակվել են իրենց շեֆի դեմ բողոքի ակցիա անցկացնողների վրա: Նման կոչով, ինչպես գրում է The Hill-ը, հանդես են եկել ԱՄՆ հանրապետական կուսակցության ներկայացուցիչները:
Մասնավորապես նշվում է, որ ներկայացուցիչների պալատի անդամ Էդ Ռոյսը դիմել է ԱՄՆ արդարադատության նախարարին՝ պահանջելով քննության առարկա դարձնել միջադեպը և պատասխանատվության ենթարկել մեղավորներին:
The Washington Post-ն իր հերթին գրում է, որ Վաշինգտոնի ոստիկանությունն արդեն աշխատում է պետքարտուղարության և հատուկ ծառայությունների հետ, որպեսզի պարզի միջադեպի բոլոր մասնակիցներին:
NBC News-ն էլ հայտնում է, որ հայ, քուրք և եզդի ցուցարարների վրա հարձակվողների մեջ եղել են Էրդողանի թիկնապահները:
