Գերմանիայի ֆուտբոլային միությունը պատրաստվում է ՈւԵՖԱ-ի և Գերմանիայի կառավարության հետ քննարկել քաղաքական ճգնաժամը, որը հասունացել է Կատարի շուրջ: Այս մասին հայտնում է Reuters-ը:
«Աշխարհի առաջնության մեկնարկին մնացել է 5 տարի, և այդ ընթացում պետք է քաղաքական լուծում գտնել, ոչ թե սպառնալ բոյկոտով: Մի բան հստակ է՝ ֆուտբոլային հանրությունը պետք է համաձայնվի, որ նման խոշոր մրցաշարերը չպետք է անցկացվեն երկրում, որը մեղադրվում է ահաբեկչությանն աջակցելու մեջ»,-ասել է Գերմանիայի ֆուտբոլային միության նախագահը:
Հիշեցնենք, որ հունիսի 5-ին Սաուդյան Արաբիան, ԱՄԷ-ն, Եգիպտոսը, Բահրեյնը, Լիբիան,Մալդիվյան կղզիները, Եմենը և Մավրիկիան հայտարարեցին Կատարի հետ դիվանագիտական հարաբերությունները խզելու մասին:
