Ամերիկյան Showtime-ով հունիսի 12-ին հեռարձակվել է ՌԴ նախագահ Վլադիմիր Պուտինի մասին Օլիվեր Սթոունի նկարահանած վավերագրական ֆիլմի առաջին մասը: Ֆիլմում Պուտինը խոսել է իր քաղաքական հայացքների, ինչպես նաև կենսագրության դրվագների վերաբերյալ, որոնց մասին քչերը գիտեին: Պուտինը խոսել է նաև ահաբեկչության և մասնավորապես «Ալ Քաիդայի» մասին՝ դրա ստեղծման մեջ մեղադրելով ԱՄՆ-ին:
«Դա մեր ամերիկացի ընկերների գործունեության արդյունքն է: Ամեն ինչ սկսվել է դեռ Աֆղանստանի պատերազմի տարիներին, երբ ամերիկյան իշխանություններն աջակցում էին իսլամական ֆունդամենտալիզմի տարբեր ուղղությունները՝ պայքարելով խորհրդային բանակի դեմ»,-ասել է ՌԴ նախագահը:
Պուտինի խոսքերով, ամերիկացիներն իրենք են աճեցրել «Ալ Քաիդան» և բեն Լադենին, սակայն ինչ-որ պահի ամեն ինչ դուրս է եկել վերահսկողությունից. «Դա միշտ այդպես է լինում, և ԱՄՆ-ը պետք է իմանար այդ մասին: Դա նրանց մեղավորությունն է»:
