Իրանում ձերբակալել են երկրի նախագահ Հասան Ռոհանիի եղբորը՝ Հուսեյն Ֆերեյդունին, ով կասկածվում է ֆինանսական հանցագործություններ կատարելու մեջ, այս մասին հայտնում է Reuters-ը: Նրան նախ հրավիրել են դատախազություն ցուցմունք տալու համար, ապա ձերբակալել:
AFP-ն իր հերթին հայտնում է, որ Իրանի նախագահի եղբայրը մեղադրվում է անտոկոս վարկեր ստանալու, ինչպես նաև բանկերի երկու տնօրենի նշանակման հարցում լոբբինգի մեջ: Այդ տնօրեններից մեկն ավելի ուշ մեղադրվեց կոռուպցիայի մեջ, երկրորդը՝ աշխատանքից ազատվեց չարաշահումների համար: