Օրվա մեջ երկու ժամից ավել ավտոմեքենա վարելը կամ 3 ժամից ավել հեռուստացույց դիտելը բացասական ազդեցություն են թողնում մարդու IQ-ի (intelligence quotient) վրա: Համապատասխան հետազոտության մասին գրում է The Times-ը:
Գիտնականները դա բացատրում են նրանով, որ երկար ժամանակ մեքենա վարելու կամ հեռուստացույց դիտելու ժամանակ մարդու ուղեղի ակտիվություն նվազում է:
Նման եզրահանգման գալու համար մասնագետները 5 տարի շարունակ հետևել են 37-73 տարեկան ավելի քան 500 հազար բրիտանացու կենսակերպին:
Ինտելեկտի մակարդակը բարձրացնելու համար գիտնականները խորհուրդ են տալիս հնարավորինս շատ զբաղվել ֆիզիկական ակտիվությամբ և ինտելեկտուալ խաղերով, օրինակ՝ շախմատով:
