Թբիլիսիում սոցիալապես անապահով խավի ներկայացուցիչրները նոյեմբերի 28-ից երթուղային միկրոավտոբուսներով կերթևեկեն կես գնով, հայտարարել է տեղի քաղաքապետարանի տրանսպորտային ծառայության պետ Ակակի Ջոխաձեն՝ նոյեմբերի 25-ին երթուղայինների վարորդների հետ հանդիպման ընթացքում:
Տրանսպորտի սակագնի արտոնություններից կարող են օգտվել Թբիլիսիի այն բնակիչները, որոնք ունեն 70 հազար միավոր՝ բարեկեցության սանդղակով, այսինքն՝ մասնավորապես մինչև 100 հազար մարդ:
«Նոյեմբերի 28-ից բոլոր սոցիալապես անապահով անձինք, որոնք ունեն մեր կողմից տրված հատուկ քարտեր, կարող են Թբիլիսիի երթուղայիններից օգտվել 50% զեղչով: Ուղեվարձի կեսը վճարելու է Թբիլիսիի քաղաքապետարանը», - հայտարարել է Ջոխաձեն, հաղորդում է «Նովոստի Գռուզիան»:
Թբիլիսիում երթուղայինների սակագինը մեծամասամբ 80 թեթրի է (48 ցենտ):
Ավելի վաղ Վրաստանի սոցիալապես անապահով քաղաքացիները սակագնային առավելություններից օգտվում էին միայն մայրաքաղաքի մետրոյում և ավտոբուսներում: Մասնավորապես 50 թեթրիի փոխարեն անապահով անձինք վճարում են 10 թեթրի (6 ցենտ):