Հասարակություն Տնտեսություն 

Ավիաընկերությունները ավելացնում են Երևանի չվերթները

Ազատ երկնքի քաղաքականության անցնելու մասին Հայաստանի կառավարության հայտարարության արդյունքում արդեն ակնառու է առաջընթացը, «Ազատություն» ռադիոկայանին այսօր հաղորդել է «Արմենիա» Միջազգային Օդանավակայաններ» ընկերությունը:

Մասնավորապես, ըստ ընկերության, անցած ուրբաթ օրը «Արմենիա» Միջազգային Օդանավակայաններ»-ի և Air France ընկերությունների միջև բանակցությունների արդյունքում ձեռք է բերվել համաձայնություն 2014 թվականի չվացուցակում չվերթների քանակը հասցնել շաբաթական 7 չվերթի՝ նախորդ տարվա միևնույն ժամանակահատվածի 3-4 չվերթի փոխարեն:

Զգալի առաջընթաց է գրանցվել նաև Արաբական Միացյալ Էմիրությունների ուղղությամբ. նախորդ տարվա շաբաթական 7 չվերթի փոխարեն այս դեկտեմբերին արդեն կիրականացվի շաբաթական 11 չվերթ:

«Արմենիա» Միջազգային Օդանավակայաններ»-ը բազմաթիվ այլ ընկերությունների հետ ևս քննարկում է չվերթների քանակի ավելացման հարցը և խոստանում այդ ուղղությամբ զարգացումները ներկայացնել մոտակա օրերին:

  •  
  •  
  •  
  •  
  •  
  •  
  •  
  •  
  •  

Նույն շարքից