Առնվազն 8 մարդ է սպանվել ԱՄՆ Տեխաս նահանգի Փլեյնո քաղաքում տեղի ունեցած հրաձգության ժամանակ: Այս մասին հայտնում է Associated Press-ը՝ հավելելով, որ սպանվել է նաև հարձակվողը:
Իրավապահները նշում են, որ միջադեպը տեղի է ունեցել սեպտեմբերի 10-ին երեկոյան: Հարձակվողին լիկվիդացրել են դեպքի վայր ժամանած ոստիկանները: Կա երկու վիրավոր:
Հարձակվողի ինքնությունը հայտնի չէ, զոհերի մեջ երեխաներ չկան: Daily Mail-ն իր հերթին հայտնում է, որ միջադեպը տեղի է ունեցել ֆուտբոլ դիտելու ժամանակ:
